ගුරු ගීතය
තක්ෂලාවේ දැනුම ගොනු කර අලෙවියට සල්පිල්වල එලා
දහස දෙදහස ගැනුම් කරුවන් ලාභ නැත ගැනුමට හිත පුරා
අතටපත් කර ගෙනත් පිදුමට බෑ මාපියන් අසරණ වෙලා
සල්පිල් දෙස යොමා දෙනුවන් මනනුවන් කඳුළින් පෙරා
හීන දහසක් හිත පුරා නෙතට නිදි නැති අන්ධකාරේ
හීන දකිනට සකි සඳකි ඔබ පිදුරු සෙවිකල ගෙදර වහලේ
නිශායාමය එකළු කල සඳ ගෙපැල අභියස අංගනේ
සඳේ ඔබමයි මගේ දිවියම එළිය කරනා කුමරුනේ
රුවැති පබවති නැණැති රුවනැති ළදුන් කවුරුත් එක ලෙසේ
ඇදුරු තුරුළේ සෙනෙහෙ ලැබුවේ දැනුම ලැබුමට නව ලොවේ
එදත් කවදත් හෙටත් හැමදත් සඳ කිරණ නැත අඩු වුණේ
ඔබම පමණක් නොවේ ළදුනේ සඳේ කිරණින් නැහැවුණේ
වැලිපත සුමනරතන හිමි
No comments:
Post a Comment